Концернот PSA стартуваше со производство на трицилиндарскиот мотор од 1,2 литар во Полска. Моторот од генерацијата EB се нуди во атмосферска и турбо верзија, а досега се произведуваше во Франција, во фабриките во Дуврин и Тремери, како и во Кина. Подоцна во текот на годинава ќе започне производството на моторот во Унгарија (Сентготард), во Мароко (Кенитра), а од 2020 година и во Индија (Хосур).
Французите досега имаат произведено 3,8 милиони примероци од двете верзии на моторот EB. Дополнителните производствени капацитети за моторот во полскиот Тиши се резултат од преземањето на Opel и вградувањето на моторите на Peugeot на местото на германските мотори во новите модели од Риселсхајм, кои користат заеднички платформи и техника со моделите на францускиот концерн.
Петстотини електрични Peugeot за жителите на Париз
