Дарко Јаконов
Семоќниот гугл го кажува и тоа: Кафето е најомилен пијалок на планетата, веднаш по водата. На 1-ви октомври се прославува Светскиот ден на кафето. Тоа може да биде одличен повод да се посети салон на Opel и да се погледне моделот што го отпочна новото дизајнерско поглавје на германската марка, со визор-дизајнот.
Постојат бројни спрегу меѓу омилениот начин на подготовка на кафе и името на моделот на Opel коешто директно се поврзува со тоа. Една од тие спреги: Во Opel Mokka се ужива насекаде, од Норвешка до Јужна Африка, и од Нов Зеланд до Колумбија. Најкомпактниот модел на Opel е присутен на повеќе од 50 пазари ширум светот.
Тоа што му дава дополнителна посебност на овој купе-СУВ-кросовер е дизајнот. Mokka има впечатлива појава и се разликува од стилски поумерениот и подомаќински Crossland. Риселсхајм првпат го примени својот визор-дизајн, со маската што потсеќа на визор на кацига, токму кај Mokka.
Opel со овој модел постигнува убедлив настап и на сцената на батериските електрични модели, каде што Mokka Electric се вбројува меѓу најбараните модели. Според стратегијата на Opel, паралелно да се нудат повеќе видови погон, секако дека Mokka е достапна и во изведба со штедливи бензински мотори.
Заедно со Opel Vizor, ова стилско парче го донесе за првпат и Pure Panel, дигиталниот кокпит, со двоен дисплеј под заеднички панел, што се протега долж арматурната табла.
Mokka Electric е носителка на „Златен волан 2021“ и за тоа се избори со примерните перформанси. Со електромотор со 100 kW и максимален вртежен момент од 260 Nm, којшто црпи енергија од батерија од 50 kWh, купе-кросоверот може да постигне досег до 338 километри. Брзината е ограничена на 150 km/h.
Кога автоматскиот менувач ќе се префрли во „B“ за Boost, дејството на електромторот да го забави возилото при отпуштање гас се зајакнува, а со тоа се засилува и повратокот на енергија што се насочува кон батеријата и истата се дополнува.
Mokka Electric стандардно располага со можност за користење брзи полначи со моќност до 100 kW. Во најдобар случај, батеријата се полни до 80% за триесетина минути.
Од класичната понуда, на располагање стои турбо-бензинец од 1,2 литар, со моќност од 100 или 136 КС. Во посилната изведба може да се нарача 8-степениот класичен автоматик, како еден од „специјалитетите“ на Opel и на концернот Stellantis.
