Opel Corsa и натаму е најпродаван градски автомобил во Германија

Opel Corsa е неприкосновена во класата на градските автомобили во Германија, било да станува збор за конкуренција на сите модели во градската класа или само за моделите со погон чисто на струја.

Според најновите продажни статистики, што германската служба за моторен сообраќај ги води веројатно најдетално во светот, Opel Corsa и во јуни е најпродаван градски модел на тамошниот пазар, најголем автомобилски пазар во Европа. Corsa е прва и во општа конкуренција и во конкуренција на чисто електрични модели во градската класа.

Со близу 5.800 продадени примероци во јуни, Opel Corsa е пред Mini 3-door, Toyota Yaris, Skoda Fabia и VW Polo. На бестселерот од Риселсхајм отпаѓаат повеќе од 20 проценти од продажбата во класата, односно еден од секои пет продадени модели во градската класа е Corsa. Побарувачката за моделот на германскиот пазар во контиунитет е на високо ниво, што се потврдува и со првото место на моделот, според продажбата во првите шест месеци од годината.

Најчитано

Тест · Renault Austral Techno Esprit Alpine 160

Opel Corsa од јануари до јуни е продадена во 24.576 примероци, што е солидна предност пред Mini 3 door со 19.833 примероци и Toyota Yaris со 13.822 примероци, соодветно на второто и третото место во класата.

Одлично врви и продажбата на електричниот модел. Во минатиот месец, Opel Corsa-e постигнала 1.500 продажби, односно 6.500 продажби во првите шест месеци. Секој четврти електричен автомобил во градската класа е Corsa.

Во германската централа очекуваат уште поголем пробив на Opel на пазарот на електрични автомобили, откако в година стартуваат чисто електричните изведби на новите Opel Astra и Opel Astra Sports Tourer.

Најпродавани модели во градската класа во Германија во јуни 2022

Сите модели на Opel што се во понуда на македонскиот пазар, со цени и детални технички податоци, како и можност за споредба, можете да ги погледнете на нашиот онлaјн-каталог Автосалон МК, на следниот линк https://avtosalon.mk/inventory/?marka=opel

Тест · Opel Corsa 1.2 DI Turbo GS Line