Концернот Stellantis цели да го преземе водството на пазарот на доставни возила. Новиот Fiat Doblo е четвртиот модел што ќе излегува од фабриката во Португалија.
Првиот човек на концернот Stellantis, Португалецот Карлос Таварес, на свеченоста посочи дека произведувањето на моделите од четири марки во Мангуалде придонесува „да се зголеми ефикасноста на фабриката, да се подобри конкурентноста и да им се понуди најдоброто на нашите професионални клиенти.“
Уште еден повод за прослава се придружи на главниот настан за одбележување на 60-те години на португалската фабрика. Една третина од вкупната потреба од енергија на фабриката, во иднина ќе се покрива со електричната енергија произведена во соларниот парк, во близина на фабриката.
Неговото Височество, Претседателот на Португалија, Марсело Ребело де Соза, укажа на значењето на фабриката за целата држава: „Денес дојдов тука да слушнам добри вести, за тоа како Stellantis вклучува уште една марка и уште еден модел во портфолиото на оваа фабрика. Покрај тоа, стартува и проектот што ќе придонесе Поргугалија да го задржи лидерството во заштитата на климата и енергетската пресвртница.“
Од отворањето во 1962 година, во фабриката во Мангуалде досега се произведени 1,5 милион возила. Едно од секои четири возила што се произведуваат во земјата, излегува од оваа фабрика.
Stellantis today hosted President Rebelo de Sousa at our plant in Mangualde, Portugal, to celebrate its 60th anniversary and present #sustainable future projects. Here are the announcements made today by #Stellantis CEO Carlos Tavares ➡️ https://t.co/0vQRew2Fv2 pic.twitter.com/yxue1daD67
— Stellantis (@Stellantis) July 7, 2022
Во овие погони моментно се произведуваат Citroën Berlingo Van/Berlingo, Peugeot Partner/Rifter и Opel Combo Cargo/Combo Life. Тоа се трите носители на титулата на Светски ван на 2019 година. Во поглед на продажбата во Поргугалија, трите модели ги држат првите три места и постигнуваат вкупен удел од 32%. Лани од фабриката на Stellantis излегле 67.841 возила.
Новиот Doblo стартува со производство во октомври и ќе биде 22-от модел во историјата на фабриката во Мангуалде.
