за

Секој петти автомобил по норвешките улици е електричен

Електричните автомобили достигнаа учество од 20 проценти во вкупниот возен парк во Норвешка, што е двојно повеќе отколку пред три години.

Норвешка мина уште еден историски праг во проифаќањето на електричните возила. Еден од секои пет автомобили што сообраќаат по патиштата низ земјата, не испушта ниту грам штетни материи.

Според норвешкото Здружение за електрични возила, доколку продолжи досегашната динамика, за помалку од две години, електричните возила ќе учествуваат со 30 проценти во вкупниот возен парк во земјата.

За помалку од три години, учеството на електричните возила во вкупниот број регистрирани патнички автомобили во Норвешка се зголеми од 10 проценти на 20 проценти

Високата прифатеност на електричните возила во Норвешка е резултат од систем од иницијативи за потпомагање на купувањето возила. Меѓу повластиците спаѓаат и намалени даноци при купување нов автомобил. Мерките имаат за цел, секое ново возило што ќе се продаде во Норвешка по 2025 година да биде електрично возило.

Во 2020 година, богатата нордиска нација стана прва земја во светот во којашто се продадоа повеќе електрични возила отколку возила што користат фосилни горива.

Во главниот град Осло, уделот на електричните возила изнесува 33,2 проценти, додека на северот на земјата, нивниот удел во возниот парк е 4,7 проценти.

Mini Cooper SE ја вози првата електрична тура низ Македонија (Дел 2)

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Volkswagen очекува 2023 да донесе уште повеќе предизвици од 2022

Комплицирано име: Гешефтсвагенот на Daimler од 1899 година