Топ 25 најпродавани модели во Европа во февруари

Автомобил со погон на струја уште се нема појавено меѓу најпродаваните модели на европскиот пазар, исто како и на останатите, но затоа има промени кај моделското име на најпродаваниот СУВ. Добро напредува и новиот Ford Focus, a Mercedes A-Class се продава исто колку Peugeot 308. Dacia има дури два модела во Топ 25.

Готова е официјалната статистика за продажбата на нови автомобили на европскиот пазар за февруари. Промени на врвот нема, позицијата на Golf веќе одамна е зацементирана таму. Доколку новиот Renault Clio го продолжи трендот на сé уште актуелниот модел, можно е да се случи рокада. Но, замената на позициите на Golf и Clio би се случила само на кусо, затоа што и германскиот компакт треба наскоро да се појави во новата генерација, што секако дека ќе донесе нов скок во продажбата.

Кога Renault Clio ќе стане повеќе посакуван избор од Megane

Од тоа што се забележува веднаш, мошне добро се пробива новиот Ford Focus, што не би требало да е изненадување, меѓу другото и покрај неколкуте титули на автомобил на годината. Веднаш зад него е моделот за когошто се знае дека ќе напредува и натаму, но не се знае дали и до самиот врв. T-Roc, кој може да се нарече и „голф“ меѓу СУВ и кросовер моделите, има пораст од 140% во продажбата, со близу 18.000 примероци и со сигурно 7-мо место, пред Fiesta. Тоа му ја донесе позицијата на најпродаван СУВ на T-Roc, кој во меѓувреме пристигна на тест во Аутомедиа.

Модели од премиум марки меѓу 25-те најпродавани: Mercedes A-Class и Audi A3

Peugeot 3008 SUV веќе почнува да го губи еланот и падна на 18-то место, со продажба смалена за 5 проценти. Воведувањето на новите и подостапни моделски изведби од Mercedes A-Class исто така покажува ефект. Премиум компактот со сребрената ѕвезда е 22-ри најпродаван модел на европскиот пазар, со зголемување од 30 проценти.

Тест: Toyota Corolla 1.2 Turbo Executive

Електричните автомобили уште не се на Топ 25, но хибридите да. Toyota C-HR е на 25-то место. Речиси целата продажба на популарниот кросовер отпаѓа на верзијата со две срца. Во следните месеци може да се очекува на списокот да се појави и новата Corolla.

Топ 25 Најпродавани модели во Европа (ЕУ-27) во февуари 2019