Два примероци од Mitsubishi Lancer Evo VI од серијата во знак на Томи Макинен, два примероци од Subaru Impreza P1 од 2001 година и еден Nissan Skyline GT-R V Spec – на фановите на чистокрвните спортски машини од јапонските марки веќе сé им е јасно. Наддавањето ќе се одвива во близина на Бирмингем, кај Британците на коишто трките им се речиси национален спорт.
Збирка од дванаесет исклучително ретки и ценети јапонски автомобили, вклучувајќи Skyline, Impreza, Civic, Mitsubishi и NSX, бара нови сопственици. Главното внимание ќе го привлечат Mitsubishi Lancer, Impreza P и Skyline GT-R V-Spec.
Еден од најценетите јапонски модели, со педигре што произлегува од светското рели, секако е Mitsubishi Lancer Evo VI во специјалната серија во чест на Томи Макинен. Примерокот од 2000-та година со 90.000 километри е во оригиналните бои на рели-автомобилот, односно црвена со бели, сребрени и црвени ленти. Машината со преку 300 КС се цени меѓу 15 и 20 илјади британски фунти.
https://photos.app.goo.gl/B4UTeoQXSBkLnuJo8
Вториот примерок има каросерија во бела боја, исто така е произведен во 2000-та година, со изминати 56.000 километри. Возилото е увезено од Јапонија во 2018 година, има вградено посебни седишта recaro и се цени меѓу 12.000 и 15.000 фунти.
https://photos.app.goo.gl/XhcivmeXetQJsHLs9
Subaru исто така беше успешен во релито, со легендите Колин Мекри и Ричард Барнс. Subaru со оригиналната сина шема „555“ е најпосакуван автомобил меѓу фановите. Верзиите P1 се посебно изработени во Британија од страна на специјалистот Prodrive, кој воедно беше задолжен и за возилата на Subaru во шампионатот. Изработени се само 1.000 примероци, сите во сина боја. Примерокот во Бирмингем е произведен во 2001 година и се цени меѓу 16.000 и 20.000 фунти.
https://photos.app.goo.gl/jWJBXPiEtCj1cUiR9
Nissan Skyline GT-R е класичар на сцената, особено во ценетата V-Spec изведба. Возилото е во совршена состојба и се очекува да постигне цена меѓу 30.000 и 40.000 фунти.
Фановите на јапонските спортски автомобили ќе празнуваат на настанот во Ворвикшир
На наддавањето ќе се појават и Honda CRX V-Tec SI R (1990), Mitsubishi 3000 GT 4WD AWS Toyota Supra Twin Turbo и Honda Civic Type R (сите три од 1997 година), Subaru Impreza WRX STi Type RA Version 5 Limited Edition – 434 од 1.000 (1999), Honda Integra Type R – DC2 и Honda NSX (двата од 2000 година) и Mazda RX-7 Spirit Type-A од 2003 година.
