за

Mini Countryman со свеж изглед, техниката поддотерана

Mini Countryman со свеж изглед, техниката поддотерана
Mini Countryman со свеж изглед, техниката поддотерана

Mini Countryman отсега вози со диодни светла како стандард, заедно со неколку измени во изгледот. Во кокпитот следат дигитални инструменти. Во техниката нема што да се додава: Плагин-хибридот постои веќе долго.

Во групацијата BMW останува и оваа традиција: Масовно освежување на понудата од модели во пресрет на летото. Минхен утрово го претстави новото моделско годиште на сериите 5 и 6, најави плагин-хибрид за X2, а сега доаѓа вест дека еден популарен модел на Mini исто така ќе вози освежен – Mini Countryman, редакцискиот миленик во раната фаза на електромобилноста во Македонија, по ланската еко-авантура на струја до сите излетнички места околу Скопје.

Испораките на овој „мини-макси“ ќе стартуваат во јули, кога Countryman ќе се појави со неколку благи промени во изгледот, со нови каросериски бои, нови дизајни на бандажите и нови материјали во внатрешноста, како и со збогатено ниво на опременост. На вкупно десетте моделски изведби, во ноември ќе им се придружи и основниот модел Mini One Countryman, со 1,5-литарскиот мотор од серијата 1 на BMW со 102 КС. На германскиот пазар, цената на оваа изведба изнесува 26.600 евра.

https://photos.app.goo.gl/fv2Q5QMKKw1nCsUG7

Новиот Countryman се препознава по диодните светла, кои сега се стандард, како и по задните светла со светлечка шема во стил на британското знаме. Во кокпитот пречекуваат дигитални инструменти, по пример на електричниот Mini Cooper SE, како и спортски волан и нови функции на инфо-забавниот систем, кој се поврзува со мрежата.

https://photos.app.goo.gl/pdKBwCYV3m8JvT6v6

Под хаубата нема промени. Сите мотори сега работат според Euro 6d и повеќето се комбинирани со осумстепен автоматик. Дијапазонот на моќност досега од 102 КС на „One“ до 220 КС во плагин-хибридниот Cooper SE Countryman All4. Погонот на сите тркала и натаму му дава дополнителна вредност на моделот во споредба со конкуренцијата.

Кус преглед на промените во новото моделско годиште на MINI Countryman:

https://photos.app.goo.gl/fTrh3Er1BYgpFyJ46

Сменет изглед на предниот дел со нова форма на маската.

Диодни светла и магленки како стандард.

Преработен заден дел со диодни светла со шема по пример на британското знаме.

Нови бои за каросеријата, нова опција пакет за каросериски детали во црна сјајна боја.

Нови бандажи.

Сите мотори исполнуваат Euro 6d.

Повеќе модели стандардно поседуваат 8-степен Steptronic.

Нов дигитален кокпит со опција за дисплеј од 5 инчи.

Нов централен инструмент во црна сјајна боја како опција.

Спортски кожен волан е сериски во сите изведби.

Нова понуда од кожени пакети и дизајни за внатрешноста.

Нова варијанта на MINI Yours Interior Style.

MINI Connected со нови функции.

Збогатена понуда од прибор на MINI.

https://www.instagram.com/p/CAsMihznUdn/

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Во новата серија 5 на BMW хибридите се главни

Во новата серија 5 на BMW хибридите се главни

Свежи кабриолет и купе од одделението за уживање на Mercedes

Свежи кабриолет и купе од одделението за уживање на Mercedes