По повод 55 години постоење на Mercedes-AMG, италијанската мануфактура за обувки и кожени проиизводи Santoni, понуди колекција што ќе се изработи во ограничен број примероци. Женски и машки модели на Boot, Sneaker и Raceboxer , ќе се понудат во само 55 пара од секој модел.
На вкупно шесте модели на патики за жени и мажи се наоѓа логото „55 years“, во знак на јубилејот на Mercedes-AMG. Тоа што патиките се изработени во црна, сива, бела и црвена боја, заедно со впечатливо поставено лого AMG, укажува на поврзаноста со спортската марка на Mercedes-Benz Group AG.
Колекцијата Santoni for AMG ги соединува светот на перформансите и луксузот на Mercedes-AMG со занаетчиската вештина и дизајнерската способност на Santoni. Соработката започна уште одамна, со спортските обувки што се наменети за користење на трка, но и за слободно време, вклучувајќи и одобрение од FIA.
Посебно историско парче на Сантони e унисекс-моделот Raceboxer. Високите патики со врвки се спој меѓу боксерски и возачки патики, достапни во две варијанти на бои. Тие се изработени во стилот на првиот модел Santoni for AMG од 2007 година. Патиките се одобрени од FIA и може да се користат и на трка.
Сникерски со врвки во три верзии на бои и полувисоки Boots исто така се во знак на соработката меѓу Mercedes-AMG и Santoni. Овој модел се опишува дека има изненадувачки и смел дизајн, заедно со занаетчиски квалитет на изработка. Овие модели се достапни само преку Santoni Online Boutique.
Santoni е основана во 1975 во Коридонија, во срцето на квартот на чевларите во италијанскиот регион Марке.
https://photos.app.goo.gl/cBpGUMXitpR4qffM9
https://photos.app.goo.gl/fRcJnrReauMFfdmE7
https://photos.app.goo.gl/oGtBZhifqyZTofrJ9
https://photos.app.goo.gl/ox1e7KdPJLxPzVRZ9
Mercedes-AMG SL во салонот на Мак Аутостар е речиси национален празник
