Дарко Јаконов
Како што наближува премиерата на новото купе на база на класата C, неговата екстремна варијанта од AMG ги привршува тестирањата на патеката Хокенхајмринг. Се вози со 510 КС.
Mercedes-AMG го привршува тестирањето на идниот C 63 Coupe на тркачката патека Хокенхајмринг. Екстремната верзија на купето ќе вози со четирилитарски V8 со битурбо натполнење од Mercedes-AMG GT и ќе поседува значително модифицирано подвозје во споредба со стандардната варијанта, чијашто премиера исто така се очекува на салонот во Франкфурт во септември.
Вообичаено, спортскиот болид ќе се нуди во две верзии. Во посилната верзија со ознака S се очекуваат 510 КС. Наспроти стандардната изведба на купето, верзијата AMG ќе има различни странични панели на каросеријата, екстремно проширени крила и нова форма на хаубата со грпки. Формата на задните светла потсеќа на суперспортскиот AMG GT. За купувачите што сметаат дека AMG C63 им е премногу екстремен, Mercedes го нуди C 450 AMG Coupe со трилитарски V6 со турбонатполнење.
