за

Лукоил со нова програма, поените се претвораат во гориво

Лукоил Македонија воведе нова програма за постојаните корисници на услугите на компанијата. Со Лукоил Клуб, стекнатите поени може да се искористат при полнење гориво.

Лукоил Клуб - програма за лојалност Lukoil_Loyalty

Лукоил Македонија воведе нова програма за лојалност за физички лица наречена „Лукоил Клуб“ преку која членовите на програмата за лојалност се стекнуваат со поени и со ексклузивни бенефиции, односно своите собрани поени може да ги претворат во гориво, да купуваат од маркетите на Лукоил, но и да ги искористат многубројните акциски поволности.

Поените се собираат едноставно, односно со трансакции направени на продажните места на Лукоил Македонија, при што секој поен има вредност од 1 денар, а пак корисниците за да станат член во програмата „Лукоил КЛУБ“ потребно е да поседуваат кориснички број од македонски мобилен оператор, на кој ќе добијат СМС со 4-цифрен код со кој ќе можат да пристапат во Програмата.

Со цел да се олесни членувањето и да се одговари на потребите на сите заинтересирани корисници, компанијата овозможи два начини за пристапување во програмата. Имено, за да се стане член во „Лукоил КЛУБ“, корисниците ќе треба или да подигнат Лукоил КЛУБ картичка од која било од бензинските станици со наточено гориво од најмалку 1.000 ден., или пак да ја преземат мобилната апликација – виртуелна Лукоил КЛУБ картичка од GooglePlay или AppStore под називот LUKOIL CLUB MACEDONIA која станува активна веднаш, без услови при регистрација.

Оваа програма за лојалност е воведена на корпоративно ниво, а од компанијата велат дека доаѓа како резултат на нивната заложба да ги наградат своите лојални потрошувачи и да им се заблагодарат за нивната лојалност, секогаш воведувајќи нешто ново и покажувајќи континуирана грижа за нивно подобро патување.

Нашата програма за лојалност е единствена преку која со собраните поени може повторно да се купи и гориво

Андреј Куку, регионален управител на Лукоил Македонија

„За правните лица што се наши веќе имаме активна програма за картички, меѓутоа отсега и физичките лица што се наши ценети потрошувачи можат да уживаат бројни привилегии и поволности, дотолку повеќе што нашата програма за лојалност е единствена преку која со собраните поени може повторно да се купи и гориво. Верувам дека на овој начин уште еднаш го потврдуваме вреднувањето на лојалноста на нашите клиенти, но и дека самата програма претставува чекор повеќе кон исполнување на нашата стратегија да создаваме долгорочни врски со потрошувачите, секојдневно олеснувајќи им го патувањето“, изјави г-дин Андреј Куку, регионален управител на Лукоил Македонија.

Друга интересна можност за членовите на оваа програма за лојалност е тоа што во мобилната апликација може да се креира и „Круг на пријатели“, односно да се додадат картички со чии сопственици може да се споделуваат поените.

Сите официјални информации поврзани со правилата и со Програмата може да се најдат на интернет-страницата https://club.lukoil.com.mk, каде членовите истовремено може да се регистрираат, да вршат проверка на состојбата на поените, да добиваат информации за тековни промоции, како и други информации од Програмата.

>>> Лукоил одбележува 15-години во Македонија

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

За четири дена изречени казни за 1.380 возачи во Скопје

За четири дена изречени казни за 1.380 возачи во Скопје

Blaupunkt Airpure пречистувач за воздух

Преносен уред на Blaupunkt го чисти воздухот во кабината