Ретка можност да се дојде до Land Rover Defender користен во филм со Џејмс Бонд. Веројатно и многу скапа, затоа што се работи за примерок од серија од 10 примероци што посебно беа подготвени за агентот 007. Има и други интересни автомпбили.
На последниот ден на април се обележува годишнина од претставувањето на сериската изведба на Land Rover на салонот во Амстедрам во 1948 година. Светскиот ден на британскиот специјалист за теренци беше и повод да се најави наддавање за посебен примерок од Land Rover, што своевремено беше автомобилска ѕвезда во филмскиот серијал за Џејмс Бонд.
Во 2015 година, светот првпат го гледаше 24-от филм за најпознатиот таен агент во светот. Во вообичаените автомобилски бркотници во „Spectre“ учествуваше и Land Rover Defender. Продуцентите нарачаа 10 примероци да се подготват посебно во Bowler Motorsport, специјалист за тјунинг за марката.
Bowler Motorsport вгради огромни тркала од 37 инчи, заштитен кафез, комплетно преработено подвозје, а како врв, хидраулична паркирна сопирачка. Моторот доби 180 КС. Дел од возилата беа изработени за брзите сцени, додека кај другиот дел беше ставен нагласок на возењето по снег.
Преживеале само седум примероци, три се уништени ори снимањето, ова е деветтиот изработен примерок
Агентскиот Defender е во беспрекорна состојба, но пред да се регистрира мора да помине атест. Секако дека следи и комплетна документација што ја потврдува историјата на автомобилот.
Вкупно тринаесет автомобили ќе бидат понудени на наддавање, сите со посебна приказна. Меѓу нив се и три примероци Aston Martin: Virage “Widebody” Volante од 1994, трет во серијата од 26 примероци, со само 17.000 километри, потоа примерок од V8 Series 4 “Oscar India” од 1984 година и редок V12 DB7 Vantage од 2003 година, со мануелен менувач.
Останатите модели на наддавањето во мај:
- Ferrari 360 Modena F1
- Mercedes-AMG SL65 (2004)
- Mercedes-AMG SL55 (2006)
- Porsche911 2.7 RS Recreation (1971)
- Porsche 911SC 3.0-litre Targa (1977)
- Vauxhall Lotus Carlton (1992)
- Jaguar E-Type Series 3 V12 (1973)
- Ford Cortina Lotus (1965)
- Nissan Patrol GR TD-6 SE SWB Manual (1998)
Кон страницата на организаторот:
