за

Kia Stinger сега боде посуптилно

Парадната лимузина на Kia влегува во втората половина од моделскиот век со промени во сите подрачја, освен во едно – карактерот на Gran Turismo останува непроменет. За моторите и новите технологии, Kia ќе соопшти посебно.

Kia Stinger освежување
Освеженото моделско годиште на Kia Stinger

Kia ги објави првите слики од освеженото моделско годиште на Stinger, коешто дополнително ги нагласува динамичниот стил и карактер на спортската лимузина. Промените во внатрешноста се направени главно во насока на натамошно подигнување на впечатокот за квалитет. Сопствениците на новото моделско годиште на Stinger ќе имаат и поголем избор од бои и материјали.

Бројни, но суптилни измени се извршени и во изгледот на каросеријата и во кабината. Надворешните промени внесуваат нова свежина во изгледот, а воедно се нудат и повеќе можности за дотерување на каросеријата со разни функционални и стилски додатоци. Внатрешноста е освежена со цел престојот во кабината да се направи уште попријатен, со неколку зафати во дизајнот, со поквалитетни материјали и со нов инфо-забавен систем.

Карим Хабиб, постар потпретседател и раководител на Kia Global Design коментира: „Stinger проектира елеганција и удобност, а исто така и одлична намена за возење на долги патеки. Новиот модел се базира на дизајнот на gran turismo автомобил што го воведовме пред три години. Тој е модерен, со суптилна агресија што го нагласува неговото присуство на патот. Внатрешноста, исто така, е подобрена и новите дизајнерски елементи и технологии вклучени во Stinger ги потврдуваат неговите ингеренции за беспрекорен grand tourer“.

Модернизиран и мускулест надворешен изглед

Во предниот дел на Stinger и натаму доминира маската во облик на тигарски нос. Светлата се нови, со повпечатлив изглед на дневните LED светла. Основата на светлата е потемна, со цел да се нагласи високата технологија со којашто располага лимузината. Светлата се во исто време развлечени наназад, како кај брзите италијански купеа.

New photo by Automedia MK / Google Photos

На задниот дел, новата светлосна комбинација прикажува нов стил, протегајќи се по целата ширина на автомобилот и следејќи ја формата на суптилниот спојлер што е интегриран во поклопецот. Новите трепкачи се состојат од 10 посебни LED-сегменти, распоредени како целно знаме на трките.

Кабина со нов избор на бои и подобрен екран на инфозабавниот систем

Додека основата на кокпитот на освежениот Stinger останува непроменета, удобната кабина со простор за пет патници прикажува неколку суптилни додатоци. Овие визуелни и материјални надградби се дизајнирани со цел да се постигне полуксузен амбиент.

New photo by Automedia MK / Google Photos

Во зависност од нивото на опрема, арматурната табла и вратите се обложени во нова комбинација од бои, додека на централната конзола се наоѓаат алуминиумски или карбонски панели. Со двете варијанти се нагласува спортскиот карактер на кабината. На сето тоа е додаден и новиот екран на инфозабавниот систем кој е со пречник од 10,25 инчи и поставен е на подлога во сјајна црна боја. Кабината исто така има ново амбиентално осветлување, со избор меѓу 64 бои што соодветно ја менуваат атмосферата во кабината.

Новиот Kia Stinger ќе започне со продажба во Кореја во текот на тековниов квартал. Продажбата на останатите пазари ќе стартува подоцна. Kia наскоро ќе открие повеќе детали за освежениот Stinger, вклучувајќи ја обновената понуда од мотори и новите технологии.

New photo by Automedia MK / Google Photos

>>> Kia Sorento стартува на германскиот пазар од 41.500 евра

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Kia Sorento стартува на германскиот пазар од 41.500 евра

Kia Sorento стартува на германскиот пазар од 41.500 евра

Сé за новиот Toyota Yaris Технички детали, иновации, хибрид

Сé за новиот Toyota Yaris: Технички детали, премиери, хибрид