за

Надал и во следните пет години амбасадор на Kia

Надал уште пет години амбасадор на Kia
Надал уште пет години амбасадор на Kia

Kia како главен партнер на Австралиското отворено првенство во тенис ја продолжи соработката со Рафаел Надал за следните пет години. Тениската ѕвезда ја објави веста преку пренос од неговиот тренинг на својата страница на фејсбук.

Со сегашното продолжување на договорот, соработката меѓу Надал и Kia ќе надмине период од 20 години. Автомобилскиот производител првпат го спонзирираше Рафа како млад тениски феномен во 2004 година. Две години подоцна, Шпанецот стана светски амбасадор на марката Kia, на свои 19 години.

Преносот од Академијата на Рафаел Надал во неговата родна Мајорка имаше единствена замисла, со тоа што фановите во реално време му задаваа задачи на тенисерот во рамките на #GetRafaMoving. Преку емо-симболи, фановите имаа целосна контрола врз сесијата и гласаа за тоа што сакаа тенискиот суперстар да изведе за време на тренингот. Секако, дека фановите најмногу бараа Рафа да ги изведе своите прочуени тениски трикови.

Kia ме подржува уште од мои 17 години и одигра важна улога во мојот развој како професионален тенисер и како личност. Со возбуда очекувам да видам што ќе донесат следните пет години на теренот и надвор од него

Рафаел Надал, за соработката со Kia

Партнерството меѓу Kia и Рафа трае 16 години, во кои истото инспирираше милиони лица да започнат да играат тенис. Преносот во живо се одвиваше во петокот на 24-ти јули, а снимката е достапна на каналите на Kia на социјалните мрежи.

GETRAFAMOVING

Starting the countdown until I go live on court Kia Motors Worldwide hope you're all as excited as I am #GetRafaMoving

Posted by Rafa Nadal on Friday, July 24, 2020

 

 

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

seat leon антени

Во новиот Seat Leon се вградуваат 16 антени

Honda Jazz e-hev salon skopje

Хибриден Џез во салонот на Хонда