Повеќе од половината од возилата од моделска 2023 година со највисока смртност се или малечки автомобили, или спортски и обични автомобили со силни мотори, открива најновото истражување на Институтот за безбедност на автопатите во САД, ИИХС.

Претседателот на Институтот, Дејвид Харки, посочува дека „дури и најбезбедните малечки автомобили не минуваат добро во судир со големи пикапи или тешки СУВ.“

Уште една освестувачка порака од Харки е дека „моќните мотори и маркетингот што привлекува агресивни возачи,“ се проблем кај спортските и обичните автомбили со силни мотори. „Тие се опасни главно поради начинот на којшто се возат,“ точно упатува експертот.

ИИХС ја следи врската меѓу бројот на загинати лица и моделот на возилото на секои три години, почнувајќи од 1989 година. Првпат годинава се одредуваше „смртноста за другите возачи“, односно бројот на загинати возачи во други возила, во судири за секој модел одделно.

Меѓу 20-те возила што се најпогубни за другите, главно се големите пикапи, вклучувајќи и товарни варијанти со висока носивост, коишто имаат силни мотори.

Просекот од сите марки и модели е 37 загинати возачи на „милион регистрирани години.“ Под тоа се подразбираат еден милион возила од тој модел што се регистрирани во годината. Просекот на загинати во друго возило изнесува 53 лица. Вториов просек е повисок поради тоа што во судирите учествувале или постари модели или модели со послаба заштита при судир.

Најмногу загинати има во Киа Рио, со 170 жртви на милион регистирани години. Најпогубен за другите е РАМ 3500 Кру Кеб Лонг Бед 4ВД, со 204 жртви на милион регистрирани возила.

Осумнаесет меѓу 20-те модели со најниска стапка на загинати се СУВ, вклучувајќи четири помали, девет средни, четири големи и еден огромен СУВ. Во шест модели, нема загинати.

Шеверолет Камаро, Шевролет Малибу, како и Доџ Чарџер со преден погон и Доџ Чарџер Хеми се модели и со највисока стапка на смртност на самите возачи, и на возачи во другите возила во судирот.

Најбезбедни и за самите возачи и за возачите во другото возило во судирот, се пет модели на луксузни СУВ. Тоа се Порше Кајен, Фолксваген Атлас, Волво Икс Ц 60 и Икс Ц 90, БМВ Икс 5 и 7.

Во истражувањето се вклучени само возачите, но не се бројат и смртните случаи на патниците во возилата.

Деталните заклучоци од истражувањето на ИИХС за моделска година 2023

Најголем број на загинати возачи
Смртност по милион регистрирани години за модел, за моделска година 2023 и за соодветни модели од годишта 2021-24

Најниска смртност на возачи

Највисока смртност на возачи во другото возило во судир

Највисока смртност на возачи во другото возило во судир

Смртност на возачи на самото возило и возачи во другото возило според големината и класата на возилото