за

Hyundai ix35 е автомобил на годината според Honestjohn.co.uk

Спортскиот теренец на Hyundai е автомобил на годината според honestjohn.co.uk, како автомобил кој најчесто е пребаруван на интернет порталот во последните 12 месеци.

Во третата година на прогласување на победниците на интернет порталот honestjohn.co.uk, Hyundai ix35 се покажа како автомобил што посетителите најчесто го пребарувале на порталот и со тоа моделот на корејската марка се квалификуваше за победник за 2012 година. Уредникот Ден Харисон изјави по тој повод: “Hyundai е марка што расте постојано и не покажува знаци на забавување. Секој месец има новитети од корејската марка и секој модел е подобар од претходниот. Во последните неколку години е постигнат огромен напредок во квалитетот и префинетоста, заедно со имиџот на марката. Затоа не е изненадување тоа што Hyundai е толку популарен на honestjohn.co.uk.“

Hyundai ix35 моментно е најстар модел во понудата на марката и се произведува во фабриката во Ношовице, Чешка. Во првиот квартал од оваа година, ix35 забележа раст од 31 процент. Теренецот е трет најпродаван модел на Hyundai во Велика Британија во 2012 година со повеќе од 11.000 продадени примероци и втор најпродаван модел во Европа.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Раст од 2% на априлската продажба во ЕУ

Golf GTI е количка на педали покрај оваа Kia