Ford Focus е најпродаван во свет

Долги години Toyota Corolla беше најпродаван автомобил на светот. Но, во 2012 година Ford ги симна Јапонците од тронот. Меѓу десетте најголеми моделски серии на светот има неколку големи изненадувања

Во 2012 година, Ford Focus се продаде во најмногу примероци во светот. Конкретно се работи за 1.020.410 примероци, што е за 147.000 возила повеќе од Toyota Corolla. Голема заслуга за глобалниот успех на Focus има Кина. Дури 300.000 примероци се продадени на растечкиот пазар во најбројната земја на светот. Покрај актиелната генерација, на кинескиот пазар се продава и претходниот модел по мошне достапни цени. Ford го има и третото место, со серијата пикапи F, која што со години е најпродавана моделска серија во САД. Но, и Fiesta е тука од истата марка, на шестото место.

Европскиот бестселер Golf, на глобално ниво е само на седмото место. Изненадување е четвртото место на Wuling Rongguang, ван кој се произведува во Кина и произлегува од соработката со General Motors. Нова марка меѓу десетте најголеми е Honda, дури со два модела. Компактниот Civic е на деветтото место, а спортскиот теренец CR-V го затвора списокот на десетте најпродавани модели во светот.

Глобалните бестселери во 2012 година