Во минатата година, Ferrari ја зголемил добивката за 13 проценти, на вкупно 833 милиони евра. Со вредност од пет милијарди евра, исто и прометот пораснал за 19,3 проценти во споредба со лани.
Со вкупно 13.221 автомобили, Ferrari во 2022 година го зголемил бројот на испорачани возила за 18,5 проценти.
„Поставивме нови рекорди во испораките, прометот и во рентабилноста“, изјави претседателот Џон Елкан на годишната средба. На Италијанците им е сигурен бизнисот и во блиска иднина: За рекорниот број на нарачки се заслужни главно двата нови модели, спортскиот автомобил со приклучен хибриден погон 296 GTS, и секако, супер-кросоверот Purosangue.
Во периодот меѓу 2023 и 2026 година, Ferrari ќе пушти во продажба 15 нови модели. Тоа го најави шефот на управниот одбор Бенедето Виња.
Меѓу најавените нови модели ќе се најде и првиот целосно електричен модел на марката, чијшто старт е планиран за 2025 година.
Виња нагласи дека Ferrari за овој модел има склучено партнерства со други компании, но клучните компоненти за електричниот модел, ќе ги произведува самостојно. Како пример, директорот го спомна електромоторот. До завршетокот на деценијата, Ferrari ќе биде компанија со нулта емисија на СО2.
The ultimate thrill is returning from the Italian Alps.
Make your Ferrari stand out: try the Ferrari Official Car Configurator and create the #FerrariPurosangue of your dreams.#Ferrari— Ferrari (@Ferrari) April 14, 2023
