за

Faurecia доби 213 мио. € од ЕУ за да произведува резервоари за водород

Големиот добавувач на автомобилската индустрија, француска Faurecia, доби грант од ЕУ за својот проект за производство на поевтини резервоари за водород.

Faurecia доби 213 милиони евра јавни пари на европските граѓани, за својот проект за развој на технологија за водороден погон, од страна на Европската Комисија. Средствата ги обезбедува програмата Hydrogen IPCEI.

Францускиот добавувач на компоненти за фабриките за автомобили планира да развива евтини решенија за чиста мобилност. Главното тежиште е ставено на развој и производство на нова генерација резервоари за водород, како во гасна, така и во течна состојба. Планирани се две генерации резервоари, со тоа што втората треба да биде готова до 2027 година.

Faurecia во почетокот на годинава ја презеде Hella и од тоа се создаде новата компанија Forvia. Производството на новите резервоари за водород ќе започне во 2024 година, во фабриката во Алaнжоа, во источна Франција. Целта е да се постигне годишна продукција од 100.000 парчиња. Faurecia исто така соработува со производителот на автомобилски гуми Michelin, во развојот на погонска технологија со горивни ќелии, во партнерство под името Symbio.

Европската Комисија на 15-ти јули обврза 13 држави членки да обезбедат средства во висина до 5,4 милијарди евра, во корист на програмата Important Project of Common European Interest (IPCEI). Со оваа програма се подржува развојот, истражувањето и првата индустриска примена на водородна технологија во регионот

Комисијата бара зголемување на фондот за поддршка на водородот, како гориво што може да се произведува со користење енергија од обновливи извори и којашто може да ги замени фосилните горива во индустриските процеси што загадуваат.

Меѓу останатите клучни „IPCEI“ за европската мобилност се поддршката на производството на батерии за електрични возила во Европа, како и проширување на производствениот капацитет за чипови.

Toyota гради електрана од 1 мегават со погон на водород

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Sixt купува 100.000 електрични возила од кинескиот BYD

Шефот Таварес цени дека чип-кризата ќе трае до крајот на 2023