Петгодишно дете се запнало да има Lamborghini и со автомобилот на мајка си се вдало на долго патување. Полицијата го запрела поради пребавно возење.
Сообраќајната полиција во американската сојузна држава Јута, во понеделникот имала необичен случај. Службениците запреле СУВ, зад чиј волан седело петгодишно дете. Неговото возење им станало сомнително на полицајците, првенствено поради тоа што возилото по автопатот се движело со само 50 километри на час. Детето го украло автомобилот на родителите и успеало да стаса до автопатот. Но, таму престанала неговата авантура. Полицајците го вратиле дома.
Надежниот возач од градот Огден, претходно имал „расправија“ со мајка си, по што решил да ѝ го украде автомобилот. Детето извозело околу пет километри, до Interstate 15. Еден од полицајците прашал: „Каде научи да возиш?“ Но, одговор не добил. Петгодишникот седел на работ на седиштето, колку да може да ја притиска сопирачката.
Сето тоа не било замислено како авантура, туку имало и цел. Бидејќи мајка му не сакала да му купи Lamborghini, тој седнал во автомобилот и тргнал за Калифорнија, за сам да си го купи спортскиот автомобил што го сакал.
Во неговиот џеб имало само три долари. Сепак ќе мора да мине уште долго време и уште повеќе труд, за овој авантурист што доспеа и до CNN, еден ден да може да издвои 200.000 долари за својот Lamborghini. При возењето не била направена штета.
One of our Troopers in Weber Co. initiated a traffic stop on what he thought was an impaired driver. Turns out it was this young man, age 5, somehow made his way up onto the freeway in his parents' car. Made it from 17th and Lincoln in Ogden down to the 25th St off-ramp SB I-15. pic.twitter.com/3aF1g22jRB
— Utah Highway Patrol (@UTHighwayPatrol) May 4, 2020
Полициска Tesla ја прекина потерата: Батеријата се потроши
