Изгледа дека ниските цени не се единственото што ги привлекува купувачите во романската марка. Многумина се решаваат за поскапата верзија Stepway. Во иднина таа ќе се нуди и за вановите на Dacia.
Уште во претходната генерација на Sandero се покажа дека пазарот покажува голем интерес за верзијата Stepway, со браници со робусен изглед, заштитни облоги за подвозјето, подебели арки на крилата и кровни носачи за багаж. Иако изгледа дека Stepway да е подготвен за освојување на теренот, во основа се работи само за шминка. Но, тоа не им пречи на купувачите, туку напротив, ги привлекува да платат повеќе пари за верзијата со стилски белези на теренец.
Одличната продажба на Sandero Stepway нема да остане без реакција на пазарните стратези на Dacia. На салонот во Париз во следниот месец претстои премиера на две нови верзии Stepway врз основа на моделите Lodgy и Dokker. Љубопитни сме како ќе изгледаат овие верзии, кај Sandero тоа успева совршено.
