за

Cadillac со две премиери во Франкфурт

Cadillac планира да биде поприсутен на европскиот пазар и на салонот во Франкфурт ќе има две премиери: Концептот Elmiraj и лимузината од вишата класа CTS

Купето Elmiraj е долго 5,21 метри и користи подвозје и платформа од модел што е планиран за скоро време да влезе во сериско производство. Моторот е 4,5-литарски V8 со двојно турбонатполнење и 500 КС. Посебно обележје во кокпитот е транспарентната табла со инструменти, зад која што се наоѓа дисплеј со приказ од камерата вградена во носот на возилото.

cadillac 5
[one_half]cadillac 4[/one_half]
[one_half_last]cadillac 3[/one_half_last]

Комплетно новата генерација на моделот CTS ги следи стапките на помалиот ATS, со распределба на тежината меѓу оските во сооднос 50:50, што сведочи дека инженерите се посветиле на динамиката во возењето. Приспособливата амортизација Magnetic Ride Control е во стандардната техничка опрема на конкурентот на Audi A6 и серијата 5 на BMW. Возачот може да ја избира возната динамика, односно да се реши за една од четирите програми – туринг, спорт мраз или снег.

cadillac 2

Лимузината е опремена со мултимедискиот систем Cadillac User Experience (CUE) со екран на допир со големина од 8 инчи. Со помош на сензори на движење CUE има функционалност слична на таблет и ги препознава гестовите со прстите. Дополнителен дисплеј од 5,7 инчи во таблата со инструменти служи за ракување со функциите на радиото, телефонот и навигацијата.

cadillac 1

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Продажбата на возила во Западна Европа расте повторно

Историја: 50 години на Volvo 1800 S