BMW е прв производител што им нуди можност на своите клиенти да користат iPhone како дигитален клуч за автомобилот. Оваа можност досега беше достапна само за корисници на телефон со Android.
Возачките и возачите на BMW први во светот ќе имаат можност својот iPhone да го користат како дигитален клуч за автомобилот. Баварската марка прва во браншата го интегрираше iPod во своите возила, понуди комплетно безжично користење на Apple CarPlay и сега прв воведува поддршка за BMW Digital Key, кој може да се меморира сигурно во Apple Wallet.
Со новиот BMW Digital Key за iPhone, возилото се отклучува и заклучува со едноставно држење на телефонот врз рачката на вратата. Моторот стартува со одлагање на iPhone во преградата за телефон и притискање на копчето за старт. Дигиталниот клуч може да се постави преку BMW Smartphone App. Сопственикот на возилото може да им дозволи пристап на уште пет корисници, заедно со можност за возилото да се конфигурира за почетници возачи, со ограничување на брзината и моќноста.
Останатите функции на новиот Digital Key:
- меморирање во Secure Element на iPhone и пристап преку Apple Wallet
- помошен модус на батеријата, за Digital Key да функционира до пет часови и при исклучен iPhone
- можност клучот да се сподели со пријатели преку iMessage
- компатибилност со Apple Watch
Дигиталниот клуч на BMW за iPhone е достапен во 45 држави, за широка палета на модели: 1, 2, 3, 4, 5, 6, 8, X5, X6, X7, X5M, X6M и Z4, произведени по 1-ви јули 2020. Компатибилни се iPhone XR, iPhone XS и новите модели, како и Apple Watch по серијата 5.
Повеќе информации на www.bmw.com/digitalkey
