за

BMW ќе го претстави новиот дволитарски дизел во Париз

Серијата 5 стартува прва со новата генерација мотори на BMW со унифицирана зафатнина од половина литар по цилиндар

На салонот во Париз ќе доживее премиера новата генерација четирицилиндарски дизели во серијата 5 на BMW. Дволитарците се посилни за 7 КС, а трошат до половина литар помалку.

Новите дволитарски агрегати со технологијата TwinPower Turbo на BMW носат плус од 7 КС во новите 518d и 520d. Иако моќноста на дизелите се зголеми, потрошувачката е намалена до 0,4 литар на сто километри. Во комбинација со опционалниот осумстепен менувач Steptronic, лимузината 520d троши во просек 4,1 литри гориво. Погонските единици од два литра поседуваат блок изработен од алуминиум со термички вградени кошулки за намалување на внатрешното триење, интегрирани балансирачки вратила, програмирана табота на пумпата за масло и оптимирано турбонатполнење, со варијабилна геометрија и впрскување Common-Rail со инјектори со магнетен вентил, чијшто притисок е зголемена на 2.000 бари. Покрај тоа, дизелските мотори што го користат новиот модуларен систем на групацијaта BMW, со унифицирана работна зафатнина на цилиндар од половина литар, се одликуваат и со подобрена термодинамика и брза реакција на системот старт-стоп.

Моделот 518d поседува максимална моќност од 150 КС, со што забрзува до сто за 9,5 секунди и просечно троши 4,3 литри, додека 520d има 190 КС и вртежен момент зголемен за 20 Nm на 400 Nm. Соодветно на тоа, спринтот трае 7,9 секунди во лимузината, односно 8,1 секунди во комбито 520d Touring.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Тајната на Maserati: Блоковите за моторите се произведуваат во Chrysler

Проект во Гренобл: Изнајми автомобил на 15 минути, па врати се со сопствениот