Со посебна изложба во центарот на марката Audi во Некарсулм се одбележува четвртина век на спортските модели со четири прстени. Како што обично е ред, покрај познатите сериски модели се изложени 13 примероци кои ретко се појавувале пред јавноста.
Дали Audi има изведено RS-изведба од својот знаменосец A8? Да, доколку се цени според примерокот што е дел од посебната изложба во чест на 25-годишнината од првиот RS, во „форумот“ на марката во Некарсулм. Станува збор за прототип, што не доживеа сериско производство.
Меѓу ретките изложени автомобили во чест на јубилејот се наоѓаат и RS 5 DTМ од германското првенство со туристички автомобили во 2013 година и тркачки TT RS од 2011 година. Посебно место припаѓа на RS 4 во лимузинска изведба и со посебно лакирана каросерија, што е дело на бразилскиот поп-артист Ромеро Брито.
https://photos.app.goo.gl/7JrrT4oHS5tuJRV68
Изложбата ќе биде поставена на вториот кат на Ауди Форум Некарсулм дури до крајот на март следната година. Некарсулм важи како место на раѓање на моделите R и RS. Таму во 1983 година е основана Audi Sport GmbH, фирма што е задолжена за екстремните спортски модели на Audi. Ознаката RS се однесува на „Rennsport“ односно на трки.
Хронолошки редослед на изложените Audi RS-модели:
- Audi RS 2 Avant (1994): 2,2-литарски петцилиндарец, турбо, 232 kW (326 КС)
- Audi RS 4 Avant (2000): 2,7-литарски V6 битурбо, 279 kW (380 КС)
- Audi RS 6 лимузина и RS 6 Avant (2002): 4,2-литарски V8 битурбо, 331 kW (450 КС); од 2004 RS 6 plus, 353 kW (480 КС), во серија од само 999 примероци
- Audi RS 4 лимузина (2005), RS 4 Avant (2006), RS 4 Cabriolet (2006): 4,2-литарски V8, 309 kW (420 КС)
- Audi RS 6 лимузина и RS 6 Avant (2008): 5,0-литарски V10 битурбо, 426 kW (580 КС), од 2010 RS 6 plus со крајна брзина од 303 km/h
- Audi TT RS Coupé и TT RS Roadster (2009): 2,5-литарски, петцилиндарец, 250 kW (340 КС); од 2012 верзија „plus“ со 265 kW (360 КС)
- Audi RS 5 Coupé (2010) и RS 5 Cabriolet (2012): 4,2-литарски V8, 331 kW (450 КС),
- Audi RS 3 Sportback (2011): 2,5-литарски, петцилиндарец, 250 kW (340 КС)
- Audi RS 4 Avant (2012): 4,2-литарски-V8, 331 kW (450 КС)
- Audi RS Q3 (2013): 2,5-литарски, петцилиндарец, 228 kW (310 КС); од 2014 250 kW (340 КС); од 2016 верзија „performance“ со270 kW (367 КС)
- Audi RS 6 Avant (2013): 4.0-литарски V8, битурбо со 412 kW (560 КС); од 2015 верзија performance со 445 kW (605 КС)
- Audi RS 7 Sportback (2013): 4.0-литарски, V8 битурбо, 412 kW (560 КС); од 2015 верзија performance со 445 kW (605 КС)
- Audi RS 3 Sportback (2015): 2,5-литарски, петцилиднарец со 270 kW (367 КС)
- Audi TT RS Coupé и TT RS Roadster (2016): 2,5-литарски, петцилиндарец со 294 kW (400 КС)
- Audi RS 3 лимузина (2017): 2,5-литарски, петцилиндарец со 294 kW (400 КС)
- Audi RS 5 Coupé (2017): 2,9-литарски, V6 битурбо со 331 kW (450 КС)
- Audi RS 4 Avant (2017): 2,9-литарски, V6 битурбо со 331 kW (450 КС)
- Audi RS 5 Sportback (2018): 2,9-литарски V6, битурбо со 331 kW (450 КС)
https://www.instagram.com/p/Bz-X1VVh-9X/
