за

ЕУ бара нејзините автомобили во САД да имаат исти повластици како американските

Европската Унија и претставници од САД водат разговори за проблемите околу електричните автомобили и трговијата со челик.

Европската Унија и претставници од САД очекуваат дека ќе постигнат договор, со којшто компаниите од ЕУ, вклучувајќи ги производителите на електрични автомобили, ќе добијат исти права какви што американските производители уживаат на пазарот во САД. Европа цени дека т.н. Акт за намалување на инфлацијата на САД е дискриминаторски.

ЕУ посочува дека дозволува владини даночни поволности и субвенции за купување електрични автомобили од САД, како што е случајот со Tesla. Наспроти тоа, САД ги условуваат таквите погодности и бараат автомобилите или вградените делови, да бидат произведени во Соединетите Држави.

Во минатиот месец, Tesla Model Y беше најпродаван автомобил во Германија,“ изјави на брифингот пред новинарите заменик претседателот на Европската Комисија, Валдис Домбровскис, одговорен за трговијата. „Тоа немаше да биде можно без субвенцијата на ЕУ што е недискриминаторска, додека електричните автомобили од ЕУ не добиваат слична субвенција во САД, што е дискриминација за којашто сакаме да укажеме“, изјави Домбровскис.

Производителите на автомобили од ЕУ, вклучувајќи го концернот Volkswagen, погодени се од законите во САД, со коишто се ограничуваат бројни категории производи. Домбровскис цени дека проблемот погодува и цела низа производи од секторот на „зелената економија“, којшто вклучува и батерии, водород, како и опрема за енергија од обновливи извори.

Постои подготвеност од страна на САД да се ангажира околу проблемот“, изјави Домбровскис пред средбата со американската претставничка за трговија Катрин Таи, министерката за трговија Џина Раимондо и министерката за финансии Џенет Јелен.

Се надеваме дека ќе ги надминеме овие проблеми пред тие да прераснат во спор“, посочи Домбровскис, додавајќи дека преговорите би се воделе околу тоа дали промените во статусот на компаниите од ЕУ може да се направат преку имплементирање на регулативи во американските закони, место целиот Акт за намалување на инфлацијата да се враќа назад во Конгресот, за амандмани.

Америка лани купувалa повеќе Toyota отколку General Motors

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Toyota постигна историски највисок удел на пазарот

Mini Cooper SE ја вози првата електрична тура низ Македонија (Дел 2)

Производството на електричното Mini се сели во Кина