за

Alfa Romeo лансираше специјална серија на Giulietta

Миланската автомобилска куќа понуди посебна серија Collezione во моделската гама на Giulietta. Моделот ќе се изработи во ограничена серија и во многу детали се разликува од стандардниот.

Највпечатливиот детал на Alfa Giulietta Collezione е покривот кој е лакиран во контрастен тон во однос на бојата на каросеријата. Покрај тоа, Италијанците додаваат уште неколку уникатни детали во надворешниот изглед, елегантни елементи во ентериерот, моќни мотори и збогатена опременост.

Collezione е достапна во црна, црвена и бела боја, со покрив во сива, односно црна боја. Надворешниот изглед го комплетираат алу бандажи од 17 инчи со титаниумски финиш, куќишта на ретровизорите во титаниум, затемнета основа на светлата и хромирани рачки на вратите.

120913_AR_Giulietta_Collezione

Внатрешноста исто така е во контраст со бојата на каросеријата, со комбинација од црна и црвена боја и со благороден материјал за седиштата и со титаниумски финиш на украсните панели на вратите, на средишната конзола и на арматурната табла. Клима уредот и Blue&Me се во стандардната опрема.

Изборот на мотори го сочинуваат бензинските 1.4 TB со 120 КС и 1.4 TB MultiAir со 170 КС и дизелските 1.6 JTDM-2 со 105 КС и 2.0 JTDM-2 со 140 КС.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

На летен одмор со автомобилот – и со четирите велосипеди!

Тракс Макс • Трендот на малечките теренци