за

1,25 милион долари за најбрзиот автомобил на светот

Американскиот специјалист Hennessey изработи специјална серија „World’s Fastest“ од нивниот Venom GT за одбележување на рекордерското возење. Неофицијално, Venom е најбрз автомобил на светот.

Во минатиот месец, американскиот суперавтомобил со 1244 КС постави нов гинисов рекорд за забрзување од место, со постигнувањето 300 km/h за само 13,63 секунди. Најбрзиот автомобил во светот во истиот обид постигна крајна брзина од 435 километри на час, но поради тоа што не беа задоволени критериумите, рекордот на Hennessey не беше потврден од Гинис. Со тоа, Bugatti Veyron Super Sport и натаму ја држи официјалната титула на најбрз во светот.

На разочарување на добро ситуираните љубители на Hennessey, само три примероци ќе се изработат од серијата World’s Fastest – и сите се веќе продадени, по цена од 1,25 милион долари за парче. Специјалниот Venom GT е лакиран во бело, а средишната лента ги прикажува боите на американското знаме.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Peugeot се враќа на релито Дакар по 25 години

Range Rover Sport RS ќе добие мотор со 550 КС