Брзинските ограничувања имаат за цел да ја зголемат безбедноста на патиштата. Но, тоа успева само кога има строга контрола. Романскиот премиер има уште подобра идеја. Тој ќе ги запленува автомобилите на брзите возачи.
Брзината на автопатиштата во Романија е ограничена на 130 километри на час. Тешките сообраќајни незгоди со фатален исход не престануваат да зачестуваат. Премиерот Виктор Понта ќе стави крај на тоа. Тој ќе ги запленува колите на возачите што не се придржуваат до брзинските ограничувања.
Премиерот стои цврсто на овој став и тврди дека ќе остане на него и по цена ако ја изгуби државната фотелја: „Не смее да му се дозволи на некој што вози 250 низ населено место да ја задржи колата.“ Социјалистот Понта е страстен тркач, секако, само на патека за рели.
Според полициските статистики, во Романија има околу 3.000 жртви во сообраќај годишно. Една од причините за високиот број на жртви е тоа што не постои разгранета мрежа од автопатишта во државата. Најважните меѓународни магистрали минуваат низ места во кои што сообраќајот постојано се згуснува. Покрај тоа, многумина од возачите не се придржуваат кон брзинските ограничувања.