за

Прво летање на млазниот авион на Honda

Honda не произведува само добри автомобили, мотоцикли и брзи тревокосачки. Сега Honda буквално се искачува до облаците. Приватниот џет на Honda лета 780 km/h и ќе се продава од в година.

Концернот Honda има најразлични модели на автомобили и мотоцикли во понудата, ги произведува најбрзата тревокосачка во светот и најнапредниот хуманоиден робот. Последниот производ на Јапонците може да лета до висина од 43.000 стапки и тоа со брзина од 780 километри на час. Сериската верзија на Honda Jet штотуку го направи пионерскиот лет и се подготвува за почеток на производство од следната година. Стартот на службениот авион претходно се одложуваше неколкупати.

Тринаесетметарскиот приватен авион чини околу 4,5 милиони американски долари, што е поволна цена за авион од таа категорија, па оттаму и прекарот „Civic во облаците“. Моторите се поставени необично, на посебни држачи врз крилата, место на трупот, како што е случај кај повеќето приватни џетови.

Во патничката кабина има место за петмина патници, а со примената на нови материјали и штедлива погондка техника, потрошувачката на гориво е намалена за една третина во споредба со другите авиони во класата.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Audi ќе користи спирални пружини од фиберглас

Ariel се враќа со мотоцикл по половина век