Во куќиштето на Meego-T01 со големина на USB-стик е вграден Atom Z3000, за приклучување на компјутерски дисплеј или на телевизор. Како оперативен систем може да се инсталира Android или Windows 8.1.
Штедливите процесори за таблети од серијата Atom Z3000, алијас Bay Trail-T, може да се сместат во минијатурни куќишта. По џебниот компјутер Zotac Zboc PI320 Pico, наскоро доаѓа компјутер со Windows 8 голем колку HDMI-стик. Тоа го ветува кинескиот производител Shenzhen T.D.S. Electronic Technology, којшто го нуди Meego-T01 преку Alibaba.com, односно Meego Pad-M1 на сопствената интернет страница. Изведбите со 1 или 2 GB RAM, како и 16 или 32 GB eMMC флеш меморија може да се очекуваат од почетокот на спедната година по цена од околу 90 евра. Intel неодамна најави сличен „компјутерски стик“ на Intel Investor Day.
Засега уште не е потврдено дали MeegoT01 само ги подржува Android и Windows 8.1 или еден од двата оперативни системи се претходно инсталирани. Во секој случај, Intel повеќе го препорачува Atom Z3735G за таблети на Android, затоа што подржува само 1 GB RAM. Atom Z3735F за Windows 8.1 подржува 2 GB. Според Alibaba.com, стикот подржува 64-битна техника, но често се користи 32-битен UEFI-BIOS без модул за компатибилност (CSM), поради што Windows 8.1 може да се инсталира само во 32-битна верзија, а со одредени потешкотии и Ubuntu.
Освен HDMI-излез, Meego-T01 поседува USB 2.0, два приклучока Micro-USD 2.0 и еден читач за картички Micro-SD. Функцијата на двата отвора од потесните страници е непозната. Можно е во куќиштето да е вграден вентилатор, којшто при оптовареност ја одведува топлината од Atom-SoC. На објавените видеа сепак не се слушаат звуци од вентилатор.
