Каде со автомобилите што се премногу вредни за на отпад, но повеќе не се возат? Една чешка фирма им дава втора шанса на овие автомобили – ги претвора во мебел.
Постојат луѓе што најмногу би сакале својот автомобил да го понесат со себе во дневната соба. Сега и тоа е можно, иако само во делови. Чешкиот производител Carsofa изработува гарнитури за седење и масички од вистински делови од автомобили, а ако некој посака, може да се користа и делови од сопствениот автомобил.
Задниот дел од Mercedes од класата E може да заврши како кожен двосед или мотор V8 од BMW може да се претвори во клупска масичка. Овие уникати неретко достигнуваат вредност на користен автомобил. За двосед се потребни најмалку 4.000 евра. Повеќе може да се погледне на интернет страницата на производителот, на www.carsofa.cz.