Traction Avant се појави за првпат во април 1934 година со револуционерен преден погон. Моделот беше прв избор на криминалците кои со брзиот Citroen можеа лесно да ѝ побегнат на потерата.
Во април 1934 година Citroen го претстави моделот 7А, автомобилот што влезе во историјата со низа иновации, од кои најголема беше предниот погон – оттаму и името на моделот, Traction Avant. Светот дотогаш немаше видено сличен автомобил. Покрај револуционерниот преден погон, Citroen имаше ниско тежиште, челична самоносечка каросерија, лесна конструкција и добра аеродинамика. Не е мит: Криминалците го преферираа брзиот и стабилен Citroen, за да бидат недостижни на улиците.
Француската марка ќе го одбележи јубилејот со низа настани посветени на легендарниот Traction Avant. За почеток на прославата, Citroen настапи на салонот на олдтајмери Ретромобил во Париз со два примерока од Traction Avant 11 Familiale, од 1937 и 1957 година. Возилата ги обезбеди клубот La Traction Avant Universelle, кој брои преку 1.400 членови во светот. До јуни, уникатен Traction Avant ќе биде изложен во ексклузивниот салон C_42 на Елисејските полиња во Париз. Моделот од 1955 година е сопственост на асоцијацијата Traction Sans Frontieres (Тракција без граници) која учествува на релијата со олдтајмери во светот.