за

Идниот Tiguan ќе напаѓа во тројка

Tiguan е вистински погодок на Volkswagen. Во следната генерација, чија премиера е закажана за догодина, компактниот теренец ќе напаѓа во тројка.

Volkswagen сака да искористи колку е можно повеќе од успехот на неговиот компактен теренец Tiguan. Затоа, во следната генерација го испраќа моделот да се бори со конкуренцијата во тројка. Покрај стандарниот модел, кој со димензиите ќе остане во рамките на сегашниот модел, во гамата на Tiguan ќе се приклучи и верзија со продолжено меѓуоскино растојание и кабина со простор за седуммнина. Третата варијанта ќе биде купе теренец во стил на идниот BMW X4, наменета за купувачите што повеќе се ориентирани на дизајн и животен стил.

Понудата од погонски единици ќе се состои од бензинци со турбонатполнење и директно впрскување со зафатнина од 1,4 литар, 1,8 и 2,0 литри, со дијапазон на моќност меѓу 140 и 220 КС, како и од дизели со зафатнина од 1,6 и 2,0 литри и моќност меѓу 110 и 204 КС. Се подготвува и верзија со хибриден погон.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Honda веќе прима нарачки за новиот NSX

BMW ја прогласува сезоната на кабриолети за отворена