Дарко Јаконов
По неодамнешното освежување на моделската гама на Golf, Volkswagen ја претстави и новата верзија на својот модел со електричен погон e-Golf. Премиерно прикажан на салонот во Лос Анџелес, новиот e-Golf располага со поголема моќност, продолжен досег и збогатена опременост. Најважното е секако во продолжувањето на досегот.
Volkswagen премиерно ја претстави новата верзија на својот модел со електричен погон e-Golf на салонот во Лос Анџелес. Новиот e-Golf располага со поголема моќност, продолжен досег и збогатена опременост. Според нормите, електричниот компакт на Volkswagen отсега вози до 300 километри или за 100 километри повеќе со едно полнење на батериите, што во реални услови на возење одговара на околу двестотини километри.
Заслугата за тоа е во новата литиум-јонска батерија од 35,8 киловатчасови, во замена за старата со 24,2 киловатчасови. При користење брз полнач со моќност од 40 киловати, батеријата се полни до 80 проценти од капацитетот за само еден час. Доколку се користи стандарден полнач (7,2 киловати), батеријата се полни целосно за помалку од шест часови.
Моќноста порасна за 15 КС, вртежниот момент за 20 њутнметри
Електромоторот сега располага со моќност од 136 КС, што е за 21 КС повеќе отколку во првата верзија на e-Golf. Паралелно се зголеми и вртежниот момент, од 270 на 290 њутнметри. Сето тоа резултираше и со подобри перформанси: Забрзувањето до темпо 100 трае 9,6 секунди, крајната брзина се зголеми на 150 километри на час. Според нормите, потрошувачката изнесува 12,7 киловатчасови на сто километри.
Новитети има и во опремата. E-Golf стандардно пристига со дигитална табла со инструменти, а тој е воедно и прв електричен автомобил што подржува ракување со мултимедијата преку гестикулација. Со полнењето на батеријата и со вклучувањето на климатизацијата и натаму може да се ракува оддалеку преку мобилна апликација.
Самостојно коригирање на правецот при возење во колона до 60 km/h
Арсеналот од системи за асистенција е збогатен со помош при возење во колона, при што возилото самостојно запира, забрзува и го коригира правецот до 60 km/h, како и со препознавање пешак на патот и самостојно запирање на возилото кога возачот не реагира на предупредувањата на системите за асистенција, на пример, во случај на несвестица.
Производството на новата верзија на e-Golf ќе стартува во април следната година, во Стаклената мануфактура во Дрезден, импресивниот комплекс кадешто првично се произведуваше некогашниот знаменосец Phaeton.
https://automedia.mk/objavi/26284
