Ford Fiesta е најпродаван модел на македонскиот пазар во април, пред Skoda Rapid и Toyota Aygo. Од почетокот на годинава се продадени само 1.363 нови возила, вклучувајќи и доставни возила.
Големо изненадување во април ни приреди Ford Fiesta, која што од десеттото место во претходниот месец се искачи на првата позиција во продажбата на македонскиот пазар, со 28 примероци и пазарно учество од 7,1 проценти. Со мал заостаток следи Skoda Rapid со 26 примероци, престигнувајќи го Volkswagen Golf како најпродаван модел на нашиот пазар од почетокот на годинава. Со тоа, Македонија е прва земја во којашто Rapid избива на највисокото место во продажбата во првите четири месеци од 2014 година. Забележлив е и успехот на Toyota Aygo на третото место, како и на Hyundai i30, Fiat Linea и Dacia Duster, кој во последниве месеци постојано се појавуваше на највисоките места во продажбата. Водечката десетка ја заокружува Opel Antara, со 10 продадени примероци.
Меѓу автомобилските марки води Skoda со 44 возила во април, пред Volkswagen (34) иFiat (26). Според податоците од Царинската управа, до април се увезени 8.399 користени автомобили од почетокот на годинава, наспроти 921 нов патнички автомобил.
Десетте најпродавани модели во Македонија во април
Место | Модел | Продажба април | јан-апр. 2014 |
1 | Ford Fiesta | 28 | 45 |
2 | Skoda Rapid | 26 | 76 |
3 | Toyota Aygo | 18 | 27 |
4 | Hyundai i30 | 15 | – |
5 | Fiat Linea | 14 | – |
6 | VW Golf | 13 | 66 |
7 | Skoda Octavia | 13 | 41 |
8 | Fiat Doblo | 12 | 41 |
9 | Dacia Duster | 10 | 65 |
10 | Opel Antara | 10 | 37 |