Дарко Јаконов
Ова е година на теренските модели на Mercedes-Benz. Стартот го означи темелно освежената класа M, којашто сега го носи името GLE, заедно со конкурентот на BMW X6, според новата номенклатура на марката наречен логично GLE Coupe. Деновиве се придружува GLC, а до крајот на годината се очекува и спортскиот теренец во гамата на класата S и наследник на GL, означен како GLS. Официјално е потврдено претставувањето на уште еден модел во понудата меѓу GLA и GLC, кој веројатно ќе биде означен GLB.
