за

Специјален модел за 50-годишнината на McLaren

Во чест на одбележувањето на 50-годишнината на McLaren изработен е специјална моделска верзија McLaren 50 12C, која што ќе можат да ја набават само 100 среќници во светот.

Половина од возилата ќе бидат купеа, половина спајдер. McLaren 50 12C и McLaren 50 12C Spider поседуваат неколку обележја кои ги разликуваат од стандардната верзија на супермоделите. Возилата се изработени од одделението за специјални проекти на McLaren, заедно со дизајнерскиот тим на куќата, раководен од Френк Стефенсон.

McLaren 50_12C_05

Подобрувањата вклучуваат нов преден браник со поголем потисок, по пример на ограничената серија HS Edition. Долната половина од браникот е изработена од карбон, а материјалот под него е кевлар. Над браникот е црната значка инспирирана од историјата на McLaren во формула 1, кој се става единствено на моделите од специјалното одделение.

McLaren 50_12C_01

Обата модела се стандардно опремани со карбон керамички сопирачки со димензии 394×36 mm напред и 380×34 mm назад. Бандажите исто така се со специјален дизајн и ултралесна конструкција, со црн финиш. Во споредба со опционалните суперлесни бандажи се заштедуваат 2 килограми во тежина.

McLaren 50_12C_02

Целата кабина е обложена со кожа, со задолжителната плочка на која што е редниот број на возилото од ограничената серија. За каросеријата стојат на избор три бои – црна, сребрена и препознатливата портокалова боја на McLaren. Логото McLaren 50 се наоѓа и на задните отвори за воздух. Возилото се испорачува со црна и сребрена церада, клуч во специјална изведба и кутија за клучот од карбон, како и постер во ограничена серија потпишан од дизајнерот Френк Стефенсон. Купето McLaren 50 12C чини 196.000 фунти (230.000 евра), додека за спајдерот се потребни 215.500 фунти, односно околу 252.000 евра.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Дизел место бензин: Американците го утнуваат горивото

Авантура за 70-годишни пензионери: Светот е мал за Suzuki Jimny