за

Ослободување од стрес – Прегазување автомобили со тенк

Во земјата на големите можности и тоа е можно. Со тенк од 15 тони да се прегази автомобил со соодветен надомест и да се замине среќен и задоволен.

Во гратчето Моргантон, во американската сојузна држава Џорџија, постои посебен вид на забавен парк за уживање во возењето тенк. За понапредните, со паричникот и со стресот што го имаат за ослободување од себе, на располагање стои можност со тенкот да се прегази автомобил, и тоа повеќе пати. Основиот пакет на забава и управување со тенк чини 50 долари за 20 минути, а за 499 долари може да се прегази еден од автомобилите што стојат на располагање во забавниот парк, безброј пати ако е потребно, за на крајот да се добие автомобил што е готов за претопување во железо.

tenk 2

Сопственикот на паркот, 38-годишниот Тод Либгрос, го разви своето хоби во плоден бизнис. Овој колекционер на стари воени машини ја претвори опсесијата во исплатлив бизнис модел. За возењето тенк не е потребно ништо повеќе од сообраќајна дозвола за управување со автомобил. Покрај четирите британски тенкови од типот FV-432 APC, Либгрос моментно оспособува уште еден руски тенк од типот T-55. Во будалестиот забавен парк може да се испроба и управување со градежни машини, меѓу другото и булдожер.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Папараците го уловија наследникот на Maybach

Налудничав Австралиец управувал автомобил со клешта место со волан