Литиум оловните батерии нудат решение за надминување на проблемите со досегот и цената на возилата со погон на струја.
Нова техника за батерии може да придонесе за намалување на цената и зголемување на досегот на електричните автомобили. Научниците од Институтот Фраунхофер го надминаа големиот проблем на литиум оловните батерии. Овие батерии се поевтини за производство од литиум јонските акумулатори, затоа што во нив не се користи скапиот кобалт. Место тоа се користи поевтиниот и речиси неисцрпен сулфур. Покрај тоа, при ист акумулациски капацитет, тие се помали и полесни од денешните акумулатори.
Единствената слабост досега беше кусата трајност на батериите. Тие издржуваа само 200 циклуси на полнење, што е премалку за автомобилите со погон на струја. Со примена на анода од силициум јаглерод, бројот на циклуси се зголемува на 1.400. Техниката има уште многу потенцијал за развој. Новите батерии, освен во автомобили, ќе може да се користат и во мобилните електронски уреди, а во некоја подалечна фаза од развојот и во авионите со погон на струја.