за

Новата Mazda3 прикажана истовремено во пет градови

Јапонците одржаа статичка презентација на новата Mazda3 истовремено во пет градови во светот. Салонската премиера ќе ја чекаме до септември во Франкфурт, а продажбата стартува веднаш потоа.

Со 3,5 милиони примероци од првите две генерации, Mazda3 е еден од најуспешните модели во историјата на марката од Хирошима. На прв поглед, новата има големи изгледи да го продолжи овој успех. Исто како Mazda6 и кросоверот CX-5, новата тројка ја следи актуелната дизајнерска линија на марката со име Кодо, која што се одликува со меки и елегантни, но во исто време и моќни линии. Кај компактната Mazda3 разиграниот дизајн на каросеријата е уште повпечатлив отколку кај поголемите модели.

Новата Mazda3 има иста должина со претходникот, но е за 20 милиметри пониска и за 40 милиметри поширока. Меѓуоскиното растојание пораска за 60 милиметри и тоа ветува повеќе простор во кабината, но и поголем комфор во возењето. Понудата од мотори се состои од три бензинци со моќност меѓу 100 и 165 КС, како и од еден дизел со 150 КС. Сите мотори се комбинирани со шестстепен мануелен менувач, а со доплата се добива автооматски менувач исто така со шест степени.

[one_half]

Статичка презентација на новата Mazda3 во исто време во Лондон...
Статичка презентација на новата Mazda3 во исто време во Лондон…

[/one_half]

[one_half_last]„Се околу новата Mazda3 е возбудливо, од тоа како изгледа и какво е чувството што го нуди, до динамичните перформанси, будната реакција, издржливоста и економичноста“, изјави шефот на Mazda во Европа, Џеф Гајтон. „Веќе имаме големи очекувања во поглед на продажбата на овој модел, но претпоставувам дека може да има и изненадувања.“[/one_half_last]

[one_half]

... Истанбул...
… Истанбул…

[/one_half]
[one_half_last]

... Санкт Петерсбург... и уште во Њујорк и Мелбурн
… Санкт Петерсбург… и уште во Њујорк и Мелбурн

[/one_half_last]

Како што е вообичаено кај новите моделски генерации, Mazda3 доаѓа со нов концепт на интеграција на паметни телефони, со што во автомобилот се достапни електронска пошта, СМС, Aha-Radio, фејсбук, твитер, мобилни апликации и навигација. Во поглед на безбедноста, Mazda3 тежнее кон врвот на класата. Обемот на сериската и дополнителната безбедносна опрема опфаќа систем за предупредување при пречка на патот и автоматско сопирање ако возачот не реагира при предупредувањето, самостојно запирање при градски брзини на возење, радарски темпомат, систем за следење лента, предупредување при преблиско растојание до возилото напред и автоматско долго светло.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Toyota Auris Hybrid извозе 100.000 километри без дефект

Нов Mercedes GLK во 2015, нов Audi Q5 во 2016