Новата серија 5 на BMW e „најдобро конектиран автомобил во 2016“

Поврзувањето на автомобилите со паметните телефони и со интернет добива сé позначајна улога. Магазините Auto Bild и Computer Bild веќе четврта година го организираат изборот „Connected Car Award“, во когошто решаваат гласовите од публиката. BMW годинава победи во четири од вкупно дванаесет категории. Новата серија 5 е прогласена за „Connected Car 2016“, додека асистенцијата при возење по автопат во овој модел на BMW е победник меѓу системите за асистенција.

Opel го понесе трофејот во категоријата „интеграција со телефон“, со можноста за индуктивно полнење на паметен телефон во моделот Adam. Калифорнискиот електро-специјалист Tesla победи во категоријата „интернет“ со дисплејот од 17 инчи, но ја понесе победата и со контроверзниот автопилот. Mercedes E-Class е победник во категоријата „безбедност“ со системот за самостојно запирање при опасност и избегнување пречка. На тема „навигација“, најмногу гласови освои Nokia Here, во заедничка сопственост на Audi, BMW и Daimler.

Озвучувањето од Bowers & Wilkins со 19 звучници во Volvo S90 е најдобро според гласовите на читателите на двата магазина. Уште две победи на минхенската марка ѝ донесоа BMW Connected (апликации) и BMW Over the Air Updates (интернет услуги).

Паметен телефон што воспоставува најдобра „конекција“ со автомобилот е Apple iPhone 7 Plus. Редакциите на Auto Bild и Computer Bild за најдобра иновација ја прогласија апликацијата Incontrol Remote на Jaguar Land Rover. Оваа апликација овозможува најразлични функции преку преносни уреди, вклучувајќи и паметен часовник, како далечинска контрола врз клима уредот или бравата на возилото.

Победниците на изборот за „Connected Car Awards“ за 2016 година

Најдобро конектиран автомобил

1. 1. BMW серија 5
2. Tesla Model X
3. Mercedes E-Class

Интеграција со телефон

1. Opel Adam, индуктивно полнење
2. Audi Q2, Audi Phonebox
3. Skoda/Seat (Apple CarPlay, Google Android Auto, MirrorLink)

Интернет

1. Tesla, дисплеј од 17 инчи
2. Opel Karl, Opel LTE-Hotspot
3. Porsche, RTTI-кит за надградба за постари модели

Безбедност

1. Mercedes E-Class, активен систем за сопирање и за избегнување пречка
2. Opel Matrix-LED
3. Volvo S90, Volvo Road Edge Detection (детектирање на коловозниот раб)

Комфор

1. Tesla, автопилот
2. Mercedes E-Class, Remote Parking (далечинско паркирање)
3. BMW серија 5, BMW Remote View 360 (ракување преку гестикулација)

Навигација

1. Here Audi/BMW/Daimler
2. Mercedes E-Class, двоен дисплеј од 12,3 инчи
3. Audi A4/A5, говорно внесување цел за навигацијата

Забава

1. Volvo S90 Bowers & Wilkins
2. Volkswagen up! Beats by Dr. Dre
3. Opel Adam Infinity Sound

Апликации за автомобил

1. BMW Connected
2. Google Maps
3. Mercedes Remote Park Pilot

Интернет-услуги

1. BMW Over the Air Updates
2. Tesla Over the Air Updates
3. Opel Onstar

Асистенција при возење

1. BMW, асистент при возење по автопат
2. Tesla, автопилот
3. Audi, асистент при возење во колона во застој

Паметни телефони (интеграција)

1. Apple iPhone 7 Plus
2. Samsung Galaxy S7
3. Huawei Honor 8

Иновации

• Jaguar Land Rover Incontrol Remote (далечинска контрола преку паметен часовник)
• Mini Country Timer (времетраење и анализа на возење по терен)
• Ford Fordpass (апликација за барање слободен паркинг)