Корпорацијата Toyota е светски шампион во пријавување пронајдоци од подрачјето на автомобилизмот. Само лани Јапонците пријавиле близу 14.000 патенти.
Секој четврти пронајдок што бил патентиран во подрачјето на автомобилската индустрија во текот на 2013 година му припаѓа на јапонскиот концерн Toyota. Од повеќе од 53.000 патенти во целата бранша лани, 14.000 се во сопственост на јапонскиот авто гигант. Второпласираниот на оваа листа има двапати помалку пронајдоци. Toyota ги заштитува првенствено пронајдоците во погонот и погонската спрега. Дури 92 проценти од пронајдоците се во подрачјето на алтернативниот погон. Какви точно пронајдоци има Toyota, ќе дознаеме наскоро во новите модели.
