Maserati го заврши големото патување низ Кина долго 10.000 километри. Повод е одбележување на 15-годишнината на престижната спортска марка на кинескиот пазар.
Четириесет денови траеше своевидниот патувачки спектакл на Maserati во Кина. „Големата тура“ започна во Шангај и привлече учество на 380 возачи на Maserati. Подвигот се состоеше од четири одделни тури, со совладување на 16 планински превои и минување низ 70 градови во десет кинески провинции. Местата беа избрани посебно, затоа што кога тие ќе се спојат на карта се добива буквата М, за Maserati.
Со настанот беа покриени два јубилеи: Петнаесетгодишнина на италијанската марка во Кина и воедно 105 години од основањето на марката. Четирите одделни тури со Quattroporte, Levante и Ghibli минуваа по течението на Јангце, на места го следеа Патот на свилата, навлегоа во пустината Гоби и не ги изоставија живописните предели на планинските масиви на западот на Кина.
Турата стави нагласок на долгите кинески традиции во занаетчиството, креативноста и уметноста, почнувајќи од будистичките храмови до градбите што се поврзуваат со династиите Танг или Ќинг.
https://www.instagram.com/p/BzbBMT5CkwD/
Кина е одредиште и на нашите најпознати возачки авантуристи, Џоко и Горѓи, очекуваме тие наскоро да објават пристигање во земјата
https://www.facebook.com/StojakovoDoNicasoReno4/photos/pcb.464798337412362/464797867412409/?type=3&__tn__=HH-R&eid=ARBFyi49fIGlQQsLkA69YqK-7JLoN-fBZl1ToSizHEGH3yw6dHIaOmF6jMIssb2ryS1S0McYR-PMO4fl&__xts__%5B0%5D=68.ARByKVak45BAmKMoJ68VomeGVMWU409epRzSovQdKBkCyATfIAcZjupJ7LOigh72fSKj9aVwkly4ILX2B_NqjX9OmUpAg64IZnP2unjkTvTcwd5J67NumLsD3yEQ8PVmWS1dRb7XD2_kLk90j8a3HW1yU4v6O5eYvz-TedjD_pCVgUO2CbpCFt5voCaxXwqv3PsyNhaG6iWLgtMZ7eH36cldWeh5ozTka_caKT_VXA7HnwKqUEQb22Oc92VPPrzdQbJo4dQUmJNbK-crpXWA3Eaq592EFES6Ky4WSsPVP3pR4WZy5zD9XsmXBgcSJlxUgPfZTgR-aZUv8Ul1oTy9SXXMD98ooeqVsLGhgeyGUVyEUlryDhDCHw28U1kUatg4V0zFaRQcUdIglra-p4o-8FJjeHxNiWn4mtc9T8fEzcf3