за

Американец притворен поради кражба на струја за неговиот електромобил

За 20-минутно полнење на батериите на неговиот Nissan Leaf, еден Американец ќе мора да одлежи 15 часови во затвор. Вредноста на украдената струја изнесува 5 центи.

Возачите на автомобили на струја понекогаш мора да се снаоѓаат како умеат кога батериите ќе се испразнат, а во близина не се наоѓа полнач за струја. Еден сопственик на електричен Nissan Leaf во американската сојузна држава Џорџија го искористил приклучокот за струја во едно училиште и 20 минути ги полнел батериите на својот автомобил, при што потрошил струја во вредност од 5 центи. Но, полицијата смета дека Американецот направил прекршок и го уапсила неколку денови подоцна во неговиот дом поради кражба на струја.

Случајот го евидентирал полициски службеник повикан од трети лица, кој уредно направил записник и го пуштил по вообичаениот бирократски пат. Наводниот прекршител сега мора да се соочи казната и да помине 15 часови во затвор. Јавноста реагираше бурно и смета дека апсењето е престрого изречена мера, особено покрај фактот што самото училиште не ја поднело пријавата. Но, полицијата останува цврсто на својот став дека и мала кражба е сепак кражба.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Тест • Chevrolet Trax 1.6 LT 2WD

Кутар Land Rover – доживеа да го претворат во уметничко дело