Дванаесетцилиндарците исчезнуваат од понудата на производителите, барем во Европа. Мерцедес-Бенц Карс најави престанок на продажбата на легендарниот Ве-12.
Прославувачите на врвната моторизација што ја нуди автомобилската бранша, ќе мора да спуштат едно скалило погоре. Мерцедес-Бенц најави престанок на продажбата на шестлитарскиот Ве-12 со битурбо натполнење во Европа.
Строгата норма Еуро 7 не дозволува овој мотор да остане во понудата. Во врвните модели на Мајбах во коишто сега работи Ве-12, местото во иднина ќе го пополни преработената изведба на четирилитарскиот Ве-8 битурбо.
Веќе беше познато дека Ве-12 нема иднина во Европа, а сега дојде и официјалната потврда од Мерцедес-Бенц. Дури и во случај да се преземат зафати за емисијата да се донесе според нормата Еуро 7, тоа би било прескапо и неисплатливо, како за производство, така и за продажба.
Новиот Ве-8 ма местото на дванаесетцилиндарецот во врвните модели
Освен земјите на Унијата, погодени се и неколку пазари во Европа, коишто хомологираат според ЦоЦ, односно Потврдата за усогласеност. Моторот Ве-12 ќе мора да си замине дури и од ценовникот за Индија.
Местото на дванаесетцилиндарецот ќе му припадне на преработениот Ве-8 со битурбо натполнење, со 612 КС, што е блиску до нивото на досегашната врвна моторизација.
Мерцедес-Бенц напоменува дека новиот осумцилиндарец ги исполнува високите барања на купувачите на Мајбах во поглед на комфорот и перформансите. Производителот цени дека моторот Ве-8 е логичен наследник на Ве-12 во Европа.
Мајбах со 12 цилиндри и натаму ќе се продава во САД и Кина
Моторот сепак нема да исчезне целосно. На пазарите во Кина, во САД и на Блискиот Исток, коишто се важни за Штутгарт, и натаму ќе може да се нарача Мерцедес-Бенц Мајбах С 680 со 12-цилиндарецот. Тој располага со 630 КС и вртежен момент од 930 њутнметри, што е за 18 КС и 30 њутнметри над Ве-8. „Европските“ Мајбах со Ве-8 ќе ја носат истата ознака С 680 и покрај сменетиот мотор.
Швабите не се единствени што мораа да се откажат од 12-ката. Бентли го стори тоа, БМВ заврши уште со претходната 7-ка.
За 12-цилиндри, единствено ќе може да се посегне во понудата на Ролс-Ројс, по моделите Гоуст и Фантом.
