Официјално претставен лани на салонот во Лос Анџелес и неофицијално најгрд автомобил во светот сега се прикажува во „вистинското светло“ – на промотивно видео. Официјално, Youabian Puma е најгрд во светот.
Мачно е да се одгатне што претставува овој автомобил. Тенк, теренец, кабриолет или можеби баги или вселенски автомобил? Светот лудува по кросоверите од сите видови, во умешно и привлечно изведените споеви на повеќе возила во едно, но во случајот на Youabian Puma, поимот кросовер тешко дека може да се примени. Шетсметарската грдосија од салонот во Лос Анџелес, каде што официјално беше прогласена за најгрд автомобил на салонот, сега се појавува и на видео. За сите што не се убедиле досега, да се убедат.
