Новиот дизајнерски печат на чешката марка повторно вродува со плод. Дизајнот на Škoda досега е одликуван седумпати со престижната награда Red Rod, последно со Rapid Spaceback и Octavia RS.
Škoda Rapid Spaceback ја освои глобално посакуваната награда Red Dot за исклучителен дизајн на производ. Стручното жири ја доделува меѓународно признатата награда за дизајн еднаш годишно, во рамките на Red Dot Design Awards. Новата Škoda Octavia Combi RS, исто така ги освои симпатиите на стручното жири, со специјалната награда Honourable Mention. Досега, седум модели од брендот Škoda ја освоија наградата Red Dot.
Според соопштението од Порше Македонија, „импресивни пропорции, чисто исцртани површини и остро извлечени линии ја карактеризираат надворешноста на Škoda Rapid Spaceback. Новиот дизајнерски јазик на Škoda се рефлектира и кај овој автомобил преку чистата, експресивна и свежа форма. Rapid Spaceback е резултат на повеќе од сто години усовршување на софистицирниот Škoda дизајн. Заедно со силните гени, главниот дизајнер на Škoda, Јозеф Кабан и неговиот тим, сега ги поставија и новите трендови во дизајнот на современите автомобили.“
Четириесет меѓународни експерти за дизајн внимателно ги оценуваа иновативноста, функционалноста, ергономијата и издржливоста, како и компатибилноста со животната средина и едноставноста во ракувањето. Вкупно 1.816 производители, дизајнери и архитекти од 53 земји конкурираа со близу 5.000 производи во оваа година.Со победата на Red Dot,Škoda Rapid Spaceback се надоврзува на успехот на класичниот брат, компактната лимузина Rapid, кој пред една година ја освои оваа награда за дизајн.
Резултатот покажува дека хармоничниот и урамнотежен изглед на компактниот автомобил ги освои вкусовите на експертите и потрошувачите.
Покрај новиот Rapid Spaceback, уште еден модел на Škoda освои награда на Red Dot, тоа е новата Octavia RS, со наградата „Honourable Mention”, исто како и лимузинската изведба Octavia во минатата година.
По седми пат Škoda ја освојува наградата „Red Dot“ за дизајн. Успешната Octavia Combi во 2006 година беше првиот модел на чешкиот производител кој ја доби оваа престижна награда за дизајн. Една година подоцна, експертите го прогласија моделот Škoda Roomster, а потоа во 2008 година триумфираше Škoda Fabia. Во 2010 година производителот од Млада Болеслав постигна двоен успех со моделите Škoda Yeti и Superb Combi. Минатата година, наградата ја освои Škoda Rapid, модел кој го пренесе новиот дизајнерски јазик на Škoda.
