Европскиот ограник на производителот на автомобили BYD од Кина денес ја објави стратегијата за продажба на електрични возила во Европа, како и плановите за проширување на понудата од доставни возила и камиони со погон на струја.
Кинескиот производител на електрични автомобили BYD ја стартува следната фаза од амбициозниот план за проширување на своето присуство на глобалниот пазар. По успешниот старт на бизнисот со електрични автобуси во Европа, BYD, кој се цени како светски лидер во електричните возила и пионер во развојот на напредна батериска техника, најави почеток на продажбата на новата генерација на својот електричен СУВ-модел Tang на пазарот во Норвешка.
Скандинавската држава е избрана како светски шампион во електромобилноста, поради највисокиот удел на возилата на струја во глобални рамки. Во текот на годината се планира на европскиот пазар да се понуди и цела гама од доставни возила и камиони со електричен погон. Пристигаат фургон, камиони од 7,5 и 19 тони и пристанишен влекач.
BYD Tang EV600 е меѓу најпродваните електрични возила во светот, со досег од 520 километри. Кинескиот производител цени дека неговото лидерство на пазарот на електрични автобуси во Европа ќе му годи и на имиџот како производител на плагин-хибридни и електрични патнички автомобили.
BYD Tang е електричен СУВ со постојан погон на сите тркала. Цената за Норвешка ќе биде позната подоцна во текот на годината, откако ќе стартува продажбата во скандинавската земја.
Пазарот во Кина се враќа во нормала, Tesla Model 3 најпродаван електромобил
