Scania пред половина век го претстави својот прв мотор V8. Дизелот тежеше колку луксузна лимузина и беше за речиси половина посилен од конкуренцијата. Швеѓаните прославуваат, имаат дури и тропалка за бебиња.
Патиштата стануваа сé подобри, а стопанството бараше побрз транспорт, кога Scania во 1960-те години започна со развој на својот прв мотор V8. Резултатот беше прикажан на салонот за товарни возила во Хановер во 1969 година. Дизелот од 14,2 литри го запрепасти стручниот свет со моќноста од 350 КС. Повеќето камиони во меѓународниот транспорт во тоа време располагаа најмногу со 250 КС.
https://photos.app.goo.gl/wpxf3Ny1JKSrnG1J7
Осумцилиндарецот тежеше 1.334 килограми. Со нови материјали и бројни нови технологии, денешниот 16,4-литарски V8 тежи исто, но е двојно посилен и располага со помошни системи кои биле незамисливи пред половина век.
Карактерот на моторот не е сменет, остана и препознатливиот звук на V8
На првиот V8 на Швеѓаните му беа потребни 1.500 вртежи за да произведе вртежен момент од 1.245 њутнметри. Денешниот топ-модел, располага со моќност од 730 КС, а максималниот вртежен момент од 3.500 њутнметри ги испорачува уште при 1.000 вртежи. Во поглед на потрошувачката, двата мотори се како од различни светови.
https://photos.app.goo.gl/YPMj83MNoM4ddG8UA
Предноста на V8 е во тоа што е покус и обично понисок, така што е поедноставно да се смести под возачката кабина отколку линиски шестцилиндарец. Покрај тоа, коленастото вратило е покусо и поиздржливо, отколку долгото коленасто вратило кај шестцилиндарските мотори.
Сегашниот мотор е претставен во 2017 година. Инженерите посебно се погрижија да го нагласат типичното „брборење“ на V8, преку модифицирање на издувните гранки. Покрај топ-моделот се нудат и изведби со 520, 580 и 650 КС.
https://photos.app.goo.gl/8XrkswRvUDmcufEZ7
Scania прославува и во онлајн-продавницата може да се најде сé, од стилски пакет за камионите, до колекција облека и прибор со знак на V8, вклучувајќи часовници, бебешки тропалки, па дури и калап за мраз. Фановите нема да пропуштат да го преземат оригиналниот звук на мотор V8 како тон за телефон.
https://www.instagram.com/p/BxO_py4Fb3v/
Линк до онлајн-продавницата на Scania
